BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«استانا» قارجى ورتالىعىنىڭ جەكە اربيتراجى شەتەلدىك ينۆەستيسيانى قورعاي الا ما؟

استانا. 2 ماۋسىم. baq.kz – جاقىندا پرەزيدەنت جانىنداعى ينۆەستورلار كەڭەسىنىڭ كەزەكتى وتىرىسىندا «استانا» حالىقارالىق قارجى ورتالىعىن قۇرۋ ماسەلەسى تالقىلانعان بولاتىن. سول جەردە شەتەلدىك ينۆەستورلار قارجىنىڭ قاۋىپسىزدىگىنە سەنىمدى بولۋ ٴۇشىن ورتالىق جانىنان قۇرىلاتىن اربيتراجدىڭ شەشىمدەرى قازاقستان تەرريتورياسىندا عانا ەمەس، شەت ەلدەردە دە ىسكە اسۋى قاجەت دەپ پىكىر بىلدىرگەن. بۇگىن پرەزيدەنت جانىنداعى ورتالىق كوممۋنيكاسيالار قىزمەتىندە وتكەن ٴباسپاسوز ٴماسليحاتىندا قر ادىلەت ۆيسە-مينيسترى زاۋرەش بايمولدينا وسى ماسەلە قالايشا شەشىلەتىنىن ايتىپ بەردى، دەپ حابارلايدى baq.kz ٴتىلشىسى.

«ادىلەت مينيسترلىگى اتالعان اربيتراجدى «اربيتراج تۋرالى» جاڭا زاڭنىڭ اياسىندا قۇرۋدى ۇسىنعان بولاتىن. نەگە؟ سەبەبى قازىرگى زاڭناما قازاقستان ازاماتتىعى جوق جانە شەتەل ازاماتتارىنىڭ اربيتر قىزمەتىن اتقارۋلارىنا كەدەرگى جاساپ وتىرعان جوق. ول ٴۇشىن ەشقانداي شەكتەۋلەر جوق. قازاقستانىڭ ەكى سۋبەكتىسى ٴوزارا اربيتراجدىق كەلىسىم جاساپ، اربيتر قىزمەتىنە، ماسەلەن، نەمىس ازاماتىن تاڭداي الادى. ارينە، ناقتى قاي قاتىسۋشىلار جانە قانداي داۋ-دامايلار، ولاردىڭ ساناتتارى بويىنشا تاعى ويلانۋعا بولاتىن ەدى. ٴبىراق حالىقارالىق قارجى ورتالىعىنىڭ باسقارۋشى ورگاندارى وزدەرىنىڭ اربيتراجى بويىنشا بولەك زاڭدى قابىلداۋ قاجەت دەپ سانايدى. دەگەنمەن، ول ماسەلە ٴىستىڭ ٴمانىن وزگەرتىپ وتىرعان جوق. قاي جەردە بولسىن، اربيتراجدىڭ مىندەتى ٴبىر. بارلىق مەملەكەتتەردە اربيتراج بىردەي جۇمىس ىستەيدى»، - دەيدى ۆيسە مينيستر.

ونىڭ ايتۋىنشا، قازاقستان شەتەلدىك اربيتراجداردىڭ شەشىمدەرىن ورىنداۋ تۋرالى 1958 جىلعى نيۋ-يورك كونۆەنسياسىنا قول قويعان بولاتىن. سول سەبەپتى اربيتراجدىڭ شەشىمى شىقسا، ول كەز كەلگەن جەردە ىسكە اسۋى شارت.

«دەمەك، قازاقستاندىق اربيتراج شەتەلدىك سۋبەكتىنىڭ قاتىسۋىمەن، يا بولماسا، تەك قازاقستاندىق سۋبەكتىلەردىڭ قاتىسۋىمەن، ٴبىراق شەتەلە ىسكە اساتىن داۋ-دامايدى قارايتىن بولسا، وندا نيۋ-يورك كونۆەنسياسى نەگىزىندە وزگە مەملەكەت ول شەشىمدى ورىنداۋعا مىندەتتى. اتالعان كونۆەنسياعا الەم ەلدەرىنىڭ تۇگەلى دەرلىك قوسىلعان. بۇل دەگەنىمىز، ەشقانداي كەدەرگىلەر بولماۋى ٴتيىس. وعان قوسا، تمد ەلدەرى اراسىنداعى كەلىسىم بار. وندا دا ٴتيىستى نورمالار كورسەتىلگەن. الايدا اربيتراج شەشىمدەرىن ٴماجبۇرلى ورىنداۋ ماسەلەسى مەملەكەتتىك سوتتار ارقىلى شەشىلەدى. بۇل – الەمدىك تاجىريبە»، - دەپ اتاپ كورسەتتى ز.بايمولدينا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي