BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«استانا» قارجى ورتالىعى بازاسىندا «ەكسپات ورتالىعىن» قۇرۋ جوسپارلانىپ وتىر

«استانا» حالىقارالىق قارجى ورتالىعىنىڭ بازاسىندا ارنايى مامانداندىرىلعان «احقو ەكسپات ورتالىعىن» قۇرۋ جوسپارلانىپ وتىر. بۇل تۋرالى وسى قارجى ورتالىعىنىڭ باسقارۋشى ديرەكتورى باۋىرجان بەكتەمىروۆ مالىمدەدى، دەپ حابارلايدى baq.kz ٴتىلشىسى.

«استانا» حالىقارالىق قارجى ورتالىعى (احقو) كاپيتال نارىعى، اكتيۆتەردى باسقارۋ، جەكە تۇلعالاردىڭ ٴال-اۋقاتىن باسقارۋ، يسلامدىق قارجىلاندىرۋ جانە دە جاسىل قارجى سەكىلدى باعىتتاردا جۇمىس ىستەيدى. احقو الاڭىندا شەتەلدىك ينۆەستورلاردى ارتتىرۋعا ىقپال ەتەتىن قولايلى جاعداي جاساۋ ٴۇشىن ٴبىرقاتار جەڭىلدىك قاراستىرىلعان. ورتالىق تەرريتورياسىندا ۇزدىك حالىقارالىق تاجىريبەلەرگە ۇقساس اعىلشىن قۇقىعى مەن جەتەكشى قارجى ورتالىقتارىنىڭ ستاندارتتارىنا نەگىزدەلگەن ەرەكشە قۇقىقتىق رەجيم جۇمىس ىستەيدى»، - دەدى باۋىرجان بەكتەمىروۆ.

ينۆەستورلاردى ىنتالاندىرۋ فاكتورلارىنىڭ ٴبىرى رەتىندە بىرلەسكەن جانە جەكە تابىس سالىعىنان 50 جىلعا دەيىن بوساتۋ تۇرىندەگى سالىق جەڭىلدىكتەرى ەنگىزىلمەك.

«سونىمەن قاتار، قارجى ورتالىعىندا جەڭىلدەتىلگەن ۆيزا جانە ەڭبەك رەجيمى جۇمىس ىستەيدى. مۇندا ەڭبەك ەتەتىن شەتەلدىك قىزمەتكەرلەر مەن ولاردىڭ وتباسى مۇشەلەرىنە قازاقستانعا كىرۋى جانە جەرگىلىكتى نارىققا ەنۋى ٴۇشىن قولايلى جاعداي جاساۋعا ارنالعان ارنايى مامانداندىرىلعان «احقو ەكسپات ورتالىعىن» قۇرۋ جوسپاردا بار. شەتەلدىك ينۆەستورلار ٴۇشىن بيزنەستى جۇرگىزۋدى جەڭىلدەتۋ ماقساتىندا احقو-نىڭ رەسمي ٴتىلى اعىلشىن ٴتىلى بولىپ بەكىتىلدى»، - دەدى ول.

باسقارۋشى ديرەكتوردىڭ ايتۋىنشا، ورتالىق بازاسىندا الەمدىك ستاندارتتارعا ساي جوعارى تەحنولوگيالىق بيرجا ينفراقۇرىلىمى قۇرىلادى.

«استانا» قارجى ورتالىعى بيرجاسى 2017 جىلدىڭ iv توقسانىنان باستاپ جۇمىسىن باستايدى. بيرجا شانحاي قور بيرجاسىمەن جانە الەمدەگى ۇلكەن بەس بيرجانىڭ ٴبىرى – nasdaq سەكىلدى ستراتەگيالىق سەرىكتەستەرمەن بىرلەسە قۇرىلادى. اكسيونەرلىك كەلىسىم بويىنشا شانحاي قور بيرجاسى جاڭا بيرجانىڭ اكسيونەرى ٴارى ستراتەگيالىق سەرىكتەسى بولماق. اقش-تىڭ nasdaq بيرجاسى جوعارى تەحنولوگيالىق ساۋدا پلاتفورماسىن ەنگىزۋ جونىندە كەلىسىمگە قول قويدى. سونىمەن بىرگە 2018 جىلدىڭ 1 قاڭتارىنان باستاپ ەىدۇ، ٴباا، مالايزيا، سينگاپۋر، موناكو ەلدەرىنىڭ ازاماتتارى قازاقستاندا ۆيزاسىز رەجيمدە 30 كۇنگە دەيىن جۇرە الادى. ال ورتالىق قىزمەتكەرلەرى مەن مۇشەلەرىنە، ولاردىڭ وتباسىلارىنا 5 جىلعا دەيىن ۇزاق مەزىمدى ۆيزا بەرىلەدى»، - دەدى باۋىرجان بەكتەمىروۆ.

«استانا» حالىقارالىق قارجى ورتالىعىندا 4 ۆاليۋتا قولدانىلادى: تەڭگە، اقش دوللارى، رەسەيلىك رۋبل جانە قىتاي ٴيۋانى. احقو تۇجىرىمداماسىن جۇزەگە اسىرۋ ماقساتىندا استانادا حالىقارالىق دەڭگەيدە 2 مىڭنان استام جوعارى بىلىكتى قىزمەتكەرگە ارنالعان جۇمىس ورىندارى اشىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي