BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا شاعىن جانە ورتا بيزنەستەن تۇسەتىن ٴتۇسىم كولەمى ارتىپ كەلەدى

ٴتۇرلى مەملەكەتتىك تۇسىمدەردىڭ ەل ەكونوميكاسىن دامىتۋ جانە تۇراقتاندىرۋ بارىسىندا ماڭىزى زور. ولار قۋاتتى ەكونوميكالىق تەتىك رەتىندە پايدالانىلادى. سوندىقتان الماتى وبلىسىنىڭ قازىناسىنا تۇسەتىن بارلىق مەملەكەتتىك تۇسىمدەر دە قۇرامىندا 1330-عا جۋىق قىزمەتكەرى بار وبلىستىق مەملەكەتتىك كىرىستەر دەپارتامەنتىنىڭ ٴجىتى نازارىندا.

«100 ناقتى قادام» ۇلت جوسپارىنداعى باقانداي 9 قادام مەملەكەتتىك كىرىستەر ورگاندارىنا تىكەلەي قاتىستى. وسى ساياسي قۇجاتتاعى 41-قادامدا «مۇلىكتى جانە قارجىنى زاڭداستىرۋ رەسىمدەرىن وڭايلاتۋ» تۋرالى ايتىلعان. بىلتىر مۇلىكتى زاڭداستىرۋ جۇيەسىن وڭتايلاندىرۋ ەرەجەسى كۇشىنە ەنگەلى بەرى جەتىسۋ وڭىرىندە بۇل باعىتتا وڭ ناتيجە بايقالادى.

ماسەلەن، مۇلىكتى زاڭداستىرۋ تۋرالى اكسيا باستالعان 2014 جىلى الماتى وبلىسى بويىنشا باعالاۋ قۇنى 108،2 ملن. تەڭگەنى قۇرايتىن مۇلىكتى جاريا ەتۋگە بار بولعانى ٴبىر ٴوتىنىش تۇسكەن بولاتىن. ال، 2015 جىلدىڭ جەلتوقسانىنان باستاپ ٴوتىنىش بەرۋشىلەر قاتارى ارتقان. ناقتىراق ايتساق، 2015-2016 جىلدار ارالىعىندا 36 ٴوتىنىش قارالىپ، 6،2 ملرد. تەڭگەنىڭ مۇلكى زاڭداستىرىلعان. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى وبلىستىق مەملەكەتتىك كىرىستەر دەپارتامەنتى باسشىسىنىڭ ورىنباسارى تاۋكەن وشاقبايەۆ مالىمدەدى.

بۇگىنگى تاڭدا شاعىن جانە ورتا بيزنەس سالاسى مەملەكەتتىڭ الەۋمەتتىك-ەكونوميكالىق جاعىنان تۇراقتى دامۋى جولىنداعى نەگىزگى تەتىكتەردىڭ ٴبىرى بولىپ وتىر. سوندىقتان ەلىمىزدە كاسىپكەرلىككە جان-جاقتى قولداۋ كورسەتۋ كوكجيەگى جىلدان جىلعا كەڭەيۋدە. ناتيجەسىندە بيۋدجەت ٴبۇيىرى دە توعايىپ كەلەدى. 2014 جىلى شاعىن جانە ورتا بيزنەس سالاسى بويىنشا قازىناعا 25،4 ملرد. تەڭگە تۇسكەن بولسا، 2015 جىلى بۇل كورسەتكىش 30 ملرد. تەڭگەگە جەتكەن. ال، ۇستىمىزدەگى جىلدىڭ ٴى جارتىجىلدىعىندا بيۋدجەتكە 24،2 ملرد. تەڭگە ٴتۇسىم تۇسكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي