BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسى بويىنشا 37 «مەدياسيا كابينەتى» جۇمىس ىستەيدى

«100 ناقتى قادام» ۇلت جوسپارىنداعى زاڭ ۇستەمدىگى تۇرعىسىنان سوت جۇيەسىنە بەكىتىلگەن بارلىق 11 قادام الماتى وبلىسى بويىنشا جۇزەگە اسىرىلعان. بۇل تۋرالى وڭىرلىك كوممۋنيكاسيالار قىزمەتىندە وتكەن بريفينگتە الماتى وبلىستىق سوتىنىڭ سۋدياسى نۇرگۇل ايىمحانوۆا مالىمدەدى.

- وسى جۇمىستىڭ ناتيجەسىندە ۇلتتىق سوت جۇيەسى ايتارلىقتاي جاڭارتىلدى. 2016 جىلعى 1 قاڭتاردان باستاپ سوتتار سوت تورەلىگىنىڭ ٴۇش دەڭگەيلى جۇيەسىنە كوشتى. سۋديالار ەتيكاسى كودەكسىنىڭ جاڭا جوباسى ازىرلەندى. كودەكستى قابىلداۋ اعىمداعى جىلى سۋديالاردىڭ vii سەزىنە جوسپارلانىپ وتىر. بۇگىنگى كۇنى ەلىمىزدە «سوت كابينەتى» ەلەكتروندى قىزمەت كورسەتۋ جۇيەسى جۇمىس ىستەيتىنىن اتاپ وتكەن ٴجون. بۇل جۇيە ارقىلى سوت داۋىنا قاتىسۋشىلار ٴوز ىستەرىنىڭ قوزعالىسىن قاداعالاۋعا مۇمكىندىكتەرى بار. قازاقستان رەسپۋبليكاسى جوعارعى سوتىنىڭ ىشكى پورتالىندا «تالداۋ» فورۋمى ەنگىزىلدى. بۇل جاڭا قىزمەت وزىنە بارلىق ساناتتاعى رەسپۋبليكا سوتتارىنىڭ سوت تاجىريبەسىنىڭ جالپى قورىتىندىسىن كىرگىزەدى. جوسپارلانعان قادامدار سوت جۇيەسىنىڭ جۇمىسىنىڭ اشىقتىعىن ارتتىرۋعا باعىتتالعان، ناتيجەسىندە قوعامنىڭ سوتقا دەگەن سەنىمى ارتادى، - دەدى ول.

ستاتيستيكالىق مالىمەتتەرگە جۇگىنسەك، 2016 جىلدىڭ تەك 6 ايدىڭ وزىندە سوتتاردىڭ وندىرىسىنە 20 182 ازاماتتىق ٴىس تۇسكەن. ونىڭ ىشىندە مەدياسيا تاسىلىمەن 1001 ٴىس وڭ شەشىلگەن. سوتتارمەن انىقتالعان زاڭ بۇزۋشىلىقتار بويىنشا 120 جۋىق جەكە ۇيعارىمدار شىعارىلعان. وسى ورايدا ايتا كەتەيىك، الماتى وبلىسى بويىنشا جەرگىلىكتى جەرلەردە 37 «مەدياسيا كابينەتى» جۇمىس ىستەيدى. وندا تۇرعىندارعا مەدياتوردىڭ كەڭەستەرىن الۋعا جاعداي جاسالعان.

وبلىستىڭ بارلىق ساتىسىنداعى سوتتاردا ىستەر تولىعىمەن دىبىس-بەينە جازبا قۇرالدارىمەن قارالادى. مۇنداي قوندىرعىلارىمەن بۇگىنگى كۇنى الماتى وبلىسى سوتتارىنداعى سوت وتىرىسى زالدارى 90% جابدىقتالعان. بىلتىرعى ٴبىرىنشى جارتىجىلدىقتا سوت ٴىسىنىڭ وتۋىنە كوڭىل تولماۋشىلىق بىلدىرگەن 8 ارىز تۇسكەن بولسا، بيىلعى 6 ايدا نەبارى 1 عانا شاعىم تۇسكەن. دەمەك، بۇل سوت بارىسىنىڭ ۇتىر-نۇكتەسىنە دەيىن دىبىس-بەينە قۇرالدارىنا تايعا تاڭبا باسقانداي جازىلىپ، اشىق وتەتىندىگىنىڭ ناتيجەسى.

ٴىستى سوت تالقىلاۋىنا دايىنداۋ ينستيتۋتىنا اسا ۇلكەن ٴمان بەرىلگەندىكتەن ولارمەن سۋديانىڭ ٴىستى سوت تالقىلاۋىنا دايىنداۋ جونىندەگى ارەكەتتەرىنە ەرەكشە كوڭىل ٴبولۋ ماقساتىندا جۇمىستار جۇرگىزىلۋدە. ٴسوزبۇيدالىققا جول بەرمەۋ ماقساتىندا تالاپ قويۋ ارىزىن قاراۋسىز قالدىرۋ، ىستەردى قاراۋدى كەيىنگە قالدىرۋ ماسەلەلەرى دە وبلىستىق سوتتىڭ قاتاڭ باقىلاۋىندا.

بۇگىنگى تاڭدا وبلىستاعى سۋديالاردىڭ 47 پايىزى جاستار ەكەن. «100 ناقتى قادام» ۇلت جوسپارىنىڭ 2-بولىمىندەگى «زاڭنىڭ ۇستەمدىگىن قامتاماسىز ەتۋدىڭ» ٴ17-شى قادامىنداعى سۋديا لاۋازىمىنا كانديداتتاردى ىرىكتەۋ تەتىكتەرىن كوبەيتۋ جانە بىلىكتىلىك تالاپتارىن قاتايتۋ بويىنشا دا وبلىستىق سوتتا ٴتيىستى جۇمىستار ۇيىمداستىرىلىپ جۇرگىزىلۋدە. سۋديالىققا ۇمىتكەرلەر وبلىستىق سوتتىڭ جانىنداعى كونسۋلتاتيۆتىك-كەڭەسشى ورگان سوتتارمەن ٴوزارا ٴىس-قيمىل جونىندەگى كەڭەستىڭ، سودان سوڭ جالپى وتىرىستىڭ قاتاڭ سۇزگىسىنەن ٴوتىپ بارىپ، ۇسىنىم الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي