BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ابايەۆ تۋۋ تۋرالى كۋالىكتى الۋداعى جەڭىلدىكتەر تۋرالى ايتتى

ەندى اتا-انالارعا تۋۋ تۋرالى كۋالىك الۋ ٴۇشىن بالانىڭ ٴاتى-جونىن جازىپ جىبەرۋ تۋرالى sms-حابارلامالار كەلەتىن بولادى.

الداعى ۋاقىتتا مەملەكەتتىك قىزمەت الۋ ٴۇشىن قازاقستاندىقتار حالىققا قىزمەت كورسەتۋ ورتالىقتارىنا بارۋى مىندەت ەمەس. بۇل جونىندە بۇگىن ماجىلىستەگى ۇكىمەت ساعاتىندا سويلەگەن اقپارات جانە كوممۋنيكاسيالار ٴمينيسترى داۋرەن ابايەۆ ايتتى.

«مەملەكەتتىك قىزمەتتەردى ادامنىڭ ٴوزى قاتىسۋىنسىز، تولىقتاي ەلەكتروندى فورماتقا كوشىرۋ جوسپارلانىپ وتىر. بۇل مەملەكەتتىك قىزمەت كورسەتۋ سالاسىندا بىرنەشە ماسەلەنى شەشۋگە مۇمكىندىك بەرەدى، اتاپ ايتساق تىركەلگەن جەرىنە نەمەسە تۇراتىن جەرىنە بايلاۋ، «سونعا» مىندەتتى تۇردە بارۋ، ٴبىر قىزمەتتى الۋ ٴۇشىن بىرنەشە مەملەكەتتىك ورگانعا بارۋ سياقتى ماسەلەلەر شەشىلەدى» دەدى داۋرەن ابايەۆ.

مينيستر جاڭا ٴپرينسيپتى ناقتى مىسالمەن ٴتۇسىندىردى. ەندى اتا-انالارعا بالانىڭ ٴاتى-جونىن جازىپ جىبەرۋ تۋرالى sms-حابارلامالار كەلەتىن بولادى، وسىلايشا تۋۋ تۋرالى كۋالىك، جاردەماقىعا ارنالعان ٴنومىر، بالاباقشاعا كەزەككە تۇرۋعا كەرەك مەكەنجاي دەرەكتەرى دايىن بولادى.

«ٴوتىنىش بەرۋشىگە مەملەكەتتىك كورپوراسيادا قىزمەتتىڭ ناتيجەسىن الۋ نەمەسە قىزمەت ناتيجەسىن ۇيگە جەتكىزۋگە تاپسىرىپ بەرۋ عانا قالادى. وسى ٴپرينسيپتى زەينەتاقى بەرۋ سالاسىندا قولدانۋ دا جوسپارلانىپ وتىر» دەدى داۋرەن ابايەۆ.

سونىمەن قاتار مينيستر استانادا وپەراتورلاردىڭ قاتىسۋىنسىز مەمقىزمەتتەر كورسەتەتىن «سون» اشىلاتىنى تۋرالى ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي