BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

191 سۋديا «شىندىق دەتەكتورى» تەكسەرۋىنەن سۇرىنبەي ٴوتتى – جوعارعى سوت

فوتو: Бауыржан Жуасбаев

پوليگراف تەكسەرۋىنەن سۇرىنبەي وتكەن 191 سۋديا جۇمىسىنا كىرىسكەن. بۇل تۋرالى بۇگىن ۇكىمەت ۇيىندە «100 ناقتى قادام» ۇلت جوسپارىنىڭ ىسكە اسىرىلۋ بارىسىنا ارنالعان ٴباسپاسوز ٴماسليحاتىندا قر جوعارعى سوتى جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىسى نۇرسەرىك ٴشارىپوۆ مالىمدەدى، دەپ حابارلايدى baq.kz ٴتىلشىسى.

«بىلىكتىلىگى جوعارى سۋديالار كورپۋسىن قالىپتاستىرۋ – اسا ماڭىزدى ماسەلەلەردىڭ ٴبىرى. سۋديا لاۋازىمىنا كانديداتتارعا قويىلاتىن بىلىكتىلىك تالاپتارى مەن ولاردى ىرىكتەۋ تەتىكتەرى ايتارلىقتاي كۇشەيتىلدى. ولار ٴۇشىن پسيحولوگيالىق تەست پەن پوليگرافپەن تەكسەرۋ ەنگىزىلدى»، - دەدى ول.

وسى ورايدا نۇرسەرىك ٴشارىپوۆ قانشا سوت قىزمەتكەرىنىڭ تەكسەرۋدەن سۇرىنبەي وتكەنىن ايتتى.

«اعىمداعى جىلى جاڭا ەرەجە بويىنشا جەرگىلىكتى سوتتاردىڭ سۋدياسى لاۋازىمىنا 191 كانديدات ىرىكتەپ الىنىپ، تاعايىندالدى. ەندىگى ۋاقىتتا سۋديالار وزدەرىنىڭ بىلىكتىلىگىن جۇمىسقا كىرىسكەن ٴبىرىنشى جىلىنان كەيىنگى 5 جىل سايىن راستاپ وتىرادى. اعىمداعى جىلى 140 سۋديانىڭ كاسىبي قىزمەتىنە باعالاۋ جۇرگىزىلدى. 2016 جىلى 1220 سۋديانىڭ قىزمەتى باعالاندى. سۋديالار كورپۋسىنىڭ نەگىزگى بولىگى وزدەرىنىڭ كاسىبي قۇزىرەتتىلىگىن دالەلدەپ شىقتى»، - دەدى نۇرسەرىك ٴشارىپوۆ.

سوتتاردىڭ قىزمەتىن قامتاماسىز ەتۋ دەپارتامەنتى باسشىسىنىڭ ايتۋىنشا، سۋديالاردىڭ شەكتى جاسى دا 25-تەن 30 جاسقا جوعارىلاتىلعان. سۋديا لاۋازىمىنا كانديداتتار ٴۇشىن زاڭگەرلىك ماماندىعى بويىنشا مىندەتتى تۇردە 2 جىل جۇمىس ٴوتىلى بولۋى ٴتيىس.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي