BAQ.kz - Қазақстан жаңалықтары USD 379.29 BAQ.kz - Қазақстан жаңалықтары EUR 426.4 BAQ.kz - Қазақстан жаңалықтары RUB 5.93
استانا:

كادىمگى كوك وگىزدىڭ وكىرگەنى...

وسكەمەندەگى ايتىستا ايتقان سوزدەردەن

ٴبىزدىڭ ەلدى جەمقورلار جالىقتىرعان،

بيلىكتىڭ ٴار سالاسىن الىپ تۇرعان.

سولار عوي اسفالت جولدىڭ ٴدال ورتاسىن

كادىمگى سۋ اعاتىن ارىق قىلعان.

سولار عوي مەكتەپتەگى ٴبۇلدىرشىندى

قاتەسى كوپ كىتاپقا قارىق قىلعان.

ازىق-تۇلىك باعاسى توبەت بولدى

قاراپايىم حالىقتى قاۋىپ تۇرعان.

قازاقستاننىڭ بيۋدجەتى توق سيىر عوي

ساناۋلى جاندار عانا ساۋىپ تۇرعان.

***

تەلەديدار، راديونىڭ ٴبارى ورىسشا

سوعان اۋەس ۇرپاقتىڭ "جەتىلگەنى".

ەكراننىڭ بەتىنەن مينيسترلەر

تالاي بولدى ورىسشا كوپىرگەنى.

ولاردىڭ بوتەن تىلدە كوپىرگەنى

كادىمگى كوك وگىزدىڭ وكىرگەنى.

***

ولاردىڭ بوتەن تىلدە كوپىرگەنى

كادىمگى كوك وگىزدىڭ وكىرگەنى.

سابيلەردى اعىلشىنشا نەگە وقىتاد

وسى جاي تولعاندىرىپ وتىر مەنى.

بالاباقشا ەسىگىن اشىپ قالساڭ

قازاقشا تاربيەمىز جەتىلمەدى.

3 تۇعىرلى ٴتىل دەپ اپ قىزىق ەكەن

بالاڭنىڭ ٴۇش تىلدە كەپ وتىنگەنى.

3 جاستاعى سابيگە ودان گورى

ەر توستىك پەن ەر تارعىن ٴوتىمدى ەدى.

بالاڭىز انا ٴتىلىن ۇقپاي شىقسا

كۇلكىڭ دە كوپكە بارماس بەتىڭدەگى.

ەلگە ەرتەڭ كەرەكسىز بوپ قالادى ولار

بەز سياقتى توقتىنىڭ ەتىندەگى.

***

تۇرعان سوڭ ۇلى دالا توسىندە ەسەن،

ٴۇنىمىز شىقسىن ٴبىزدىڭ نەسىن باسەڭ.

91-دە مەملەكەتتىك ٴتىل بولاد دەپ

قازاق ٴتىلىن تانىدى ەسىل كوسەم.

ازاتتىق العانىڭنان پايدا قانشا

ٴوز ەلىڭدە تۇلپار بوپ كوسىلمەسەڭ.

ەل بولىپ ەتەك جيىپ تۇرا الماسسىڭ

بالاڭدى ٴوز تىلىڭدە وسىرمەسەڭ.

ٴتىلىڭدى قۇرمەتتە دەپ ٴقادىر ايتقان

وسىنى ۇستاعايسىڭ ەسىڭدە سەن.

جۇلدىزىڭدى اعىلشىن جاندىرمايدى

ۇل-قىزىڭدى لوندونعا كوشىرمەسەڭ!