BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇحتار شەرىم. سىيمايتىن جەرگە باسىن سۇعا بەرەدى ەكەن!

شىنىندا «بوياۋشى، بوياۋشى دەگەنگە ساقالىن دا بوياپتى» دەگەندەي، ايتىسكەر اقىن كىم؟ الەمگە ايگىلى ديماش قۇدايبەرگەن كىم؟ اراسى جەر مەن كوكتەي عوي؟

  • كوپتەن بەرى كوكەيىمدە ٴجۇر ەدى. «بۇل ٴوزى ٴبىزدىڭ قازاقتىڭ قانىندا بار. بولسىن دەمەيمىز، ەتەكتەن تارتامىز. ديماشقا مۇلدەم قاتىسى بولماسا دا، اۋزىنا كەلگەندى ايتىپ جاتىر. ال وعان قارا حالىق بەتكە ايتتى دەپ قول سوعادى. كەيبىرەۋ ونىڭ ٴسوزىن دە ٴتۇسىنىپ جاتقان جوق. ريناتقا ونداي ٴسوز ايتۋ ۇيات!» دەپ جازدى بەلگىلى ٴانشى مايرا ٴىلياسوۆا. مۇنىسى– ديماشتى سىنعا العان رينات زايىتوۆتى «دىحالكادان» ٴبىر ۇرعانداي بولدى، مەنىڭ دە دەلەبەم قوزىپ كەتتى.

    شىنىندا «بوياۋشى، بوياۋشى دەگەنگە ساقالىن دا بوياپتى» دەگەندەي، ايتىسكەر اقىن كىم؟ الەمگە ايگىلى ديماش قۇدايبەرگەن كىم؟ اراسى جەر مەن كوكتەي عوي؟ بيلىككە قارسى شىندىقتى شىرىلداپ ايتىپ جۇرگەنى جاقسى، وندا دا، قىزدى –قىزدىمەن قيا شاۋىپ كەتەتىن تۇستارى دا جەتىرلىك. جارايدى، بەتكە ايتىپ،بەتىڭدى «جىرتا سالاتىنداي» جىلدام اۋىز ەكەنىن ەسكەرسەك تە، وزىنە ٴۇش قايناسا سورپاسى قوسىلمايتىن ، ٴبىلىمى جەتپەيتىن جاعدايلاردىڭ جاعاسىنا جارماسىپ، وزىنشە كىرپياز پىكىرلەردى لاق ەتكىزە سالاتىن مىنەزىن تۇسىنە المايدى ەكەنمىن. كەزىندە «شىڭعىرعاننىڭ ٴبارى ٴانشى ەمەس» دەپ ىقىلىق اتقانىن كەشىردىك، ال ەندى كەلىپ، «تالقىلايىق» باعدارلاماسىنا سۇحبات بەرگەندە: «ديماش قىتاي ساياساتىنىڭ قۇربانى» دەگەنى قاي ساسقانى؟ «تالانت پەن ۇلتقا قىزمەت ەتەتىن ادامدى اجىراتا ٴبىلۋ كەرەك. ەكەۋى مۇلدە ەكى بولەك. مەن ديماشتى «سەندەي انشىلەردەن قورقامىن» دەپ سىناعاندا، ٴبىزدىڭ جاستاردىڭ ونىڭ سوڭىنان ەرەتىنىن ٴبىلدىم. ال ديماشتىڭ قازىرگى وبرازىن كىم قالىپتاستىردى؟ قاي ۇلت قالىپتاستىردى؟ قىتاي قالىپتاستىردى ما؟ ولار ٴبىزدىڭ بالانى بىزگە قارسى پايدالانىپ جاتىر. مەن وسىلاي بولاتىنىن بىلگەنمىن» دەپ ساۋەگەيلىك تانىتقانىن تۇسىنە الماي ٴجۇرمىن."بىزگە قارسى پايدالانىپ جاتسا"، دالەلدەرى قايسى؟ سونشاما ديماشتىڭ سوڭىنا ٴتۇسىپ الاتىنداي، ول نە ىستەپ قويدى ەكەن؟ الدە، ونەردەگى قىزعانىش پا؟ قول سوعىپ، قۋانۋدىڭ ورىنىنا سىيمايتىن باسىن ٴار جەرگە تىعا بەرەدى كەلىپ! ال، نەگە رينات ٴىنىم تىرجالاڭاش شەشىنىپ، ساۋكەلەمىزدى ماسقارالاعان شىرىن دەگەن بىرەۋدىڭ سوڭىنا شام الىپ تۇسپەيدى؟ حالىقتىڭ ساۋابىن الار ەدى عوي؟ نەگە كەۋدەسىن ماقتان تۇتىپ، حالىققا كورسەتە بەرەتىن بايزاقوۆا تۋرالى ٴبىر اۋىز ٴسوز ايتا المايدى؟ الدە، وقىمادىم با؟

    ديماش قۇدايبەرگەن قازاقتىڭ باعى، ونىڭ كەمشىلىگىن جاسىرىپ، جاقسى جاعىن اسىرۋىمىز كەرەك. «ديماش الدىمەن ٴوزىن قازاققا تانىتتى. ال قىتاي مەن رەسەيدىڭ، انگليانىڭ جاساعان جارناماسىنا ٴبىزدىڭ شاشىمىز جەتپەيدى. قازاق قازاقتى مويىنداۋ ٴۇشىن قىتايدى مويىنداتۋى كەرەك بولدى دەگەن پىكىرمەن تۇبەگەيلى كەلىسپەيمىن" ، - دەپ قولداعان مايرا ٴىلياسوۆانىڭ پىكىرىنە مەن دە قوسىلامىن.

    مۇحتار شەرىم،

    رەسپۋبليكاعا تانىمال جازۋشى-سىقاقشى.

Мұхтар Шерім
603138

مۇحتار شەرىم جۇماش ۇلى (بۇركەنشىك اتتارى: جەبە ساداق ۇلى،راتقۇم مىرەش، مۇحشەر، مەن عوي... جۇماشتىڭ جۇگەرمەگى.) .رەسپۋبليكاعا تانىمال جازۋشى-سىقاقشى، قازاقستان جازۋشىلار جانە جۋرناليستەر وداعىنىڭ مۇشەسى.شونا سماحان ۇلى اتىنداعى سىن-سىقاق بايقاۋىنىڭ باس جۇلدەگەرى.بۇگىندە رەسپۋبليكالىق "ارا" گازەتىنىڭ ارناۋلى ٴتىلشىسى. "قۇداعي قۇشاقتاي بەرەدى"، ٴتورت تومدىق: "كەشىرىڭىز، ٴسىز ەسەك ەمەسسىز"، "تالتايىپ تۇرعىم كەلەدى"، "ىمباپپا"، بىت-شىتىڭىزدى شىعارامىن!" كىتاپتارىنىڭ اۆ…

ٴومىربايان