BAQ.kz - Қазақстан жаңалықтары USD 378.9 BAQ.kz - Қазақстан жаңалықтары EUR 422.74 BAQ.kz - Қазақстан жаңалықтары RUB 5.87
استانا:

مۇحتار شەرىم. نەگە الداي بەرەسىڭدەر، ا؟ 

اش قازاق ەشتەڭە ويلامايدى، تەرەڭىنە بويلامايدى، بايلار كەدەيمەن وينامايدى! نەگە الداي بەرەسىڭدەر ا، شارشاااپ كەتتىم!



ادامنىڭ ٴوزى اش جۇرگەندە، بۇكىل اعزاسى اۋرۋ، بۇيرەگىندە تاس جۇرگەندە، قازاققا قازاق قاس جۇرگەندە، نەگە الداي بەرەسىڭدەر، ا؟ كۇنى كەشە: «ويباي، جارقاناتتىڭ ۇياسىن ارابتار ساتىپ الادى ەكەن، ون شاقتىسىن اكەپ بەرسەڭ، ىشەك سىلەسى قاتىپ، جاتىپ الادى ەكەن، اقشاعا قارىق قىلادى ەكەن، سەمىزدى ارىق، الدىڭدى جارىق قىلادى ەكەن!» دەگەن بەينە باياندار ينتەرنەتتە حيت بولدى، سونى كورىپ، مەنىڭ ايەلىم دە يت بولدى! «قورىققاندار الاقاندارىن جايىپ جاتىر، قورىقپاعاندار شەتتەرىنەن بايىپ جاتىر!» دەگەن سوڭ، جارتاستار مەن ۇڭگىرلەردى كەزىپ كەتكەن ەدىم. «جارقاناتتىڭ ۇياسى ادامعا ەم ەكەن، ون شاقتىسى كەرەك، بىرەۋ– ەكەۋ كەم ەكەن!» دەگەندى ەستىپ، ەسىم اۋىپ قالدى. سويتسەم، سەكسەندەگى اجەم ايتادى، جارقاناتتاردا ۇيا بولمايدى، اشەيىن سالبىراپ تۇرادى ەكەن عوي؟
تاعى بىردە: «ويباي، نەسىن ايتاسىڭ، اتتىڭ ٴوتى، ەسەكتىڭ كوتى نەبىر اۋرۋعا ەم ەكەن، ارابتارعا اپارسا، اقشامەن مۇرنىڭدى سۇرتەسىڭ!» دەگەن دابىرا شىقتى. حالىقپەن بىرگە مەن دە سەنىپ، ال، اتتىڭ ٴوتىن ىزدەيىن. تالاي ەسەكتىڭ قۇيرىعىن كەسىپ اڭىراتتىم، سويتسەەم، ەسەكتە كوت بولعانىمەن، اتتا ٴوت بولمايدى ەكەن عوي؟ (كەشىرىڭىزدەر، كوت دەگەن سوزىمە ۇيالماڭىزدار، ەرتەرەكتە مەكتەپتە ادەبيەتتەن كوتىبار باتىر تۋرالى دا وقىدىق قوي...)
مەنىڭ ويىم، اقشالى بولسام، باۋ–باقشالى بولسام، ايتەۋىر كۇنىمدى كورسەم عوي. سودان ٴبىر كۇنى «ويباي، نەسىن ايتاسىڭ، قارا قارعانىڭ تىستەرى قانت ديابەتىنە ەم ەكەن، ارابتار ساتىپ الادى!» دەگەن دالباسا شىقتى. دالباسا بولسا دا، الاياقتاردىڭ اقشا جاسايتىن قاقپانىنا قارا حالىق جاپپاي ٴتۇسىپ، قارعالاردى اتا باستادىق، سويتسەەك، قارعادا ٴتىس بولمايدى ەكەن عوي؟ ٴوز باسىم قارعانىڭ اۋزىن ايىرىپ، لۋپامەن قارادىم، قۇرتتاپ كەتكەن ٴتىسى دە جوق! نەگە سەنە بەرەمىز وسى؟ كوڭىلىمىز اياز با، ٴبىلىمىمىز ساياز با؟ سودان نە كەرەك، تاسباقانىڭ ساقالىن ىزدەپ كەتتىم! «نەسىن ايتاسىڭ، تاسباقانىڭ ساقالىن بەرسەڭ، ارابتاردان بايىپ قايتاسىڭ!» دەگەن جۇرتتىڭ سوڭىنا ىلەسكەن ەدىم. تالاي تاسباقانى ىندەرىنەن قازىپ الىپ، ٴولتىرىپ، ارتىنان دا، الدىنان دا ساقال تاپپادىم. سويتسەم، تاسباقادا ساقال تۇگىلى، مۇرت تا بولمايدى ەكەن! قالاي ويلاماعانبىز؟ تاعى بىردە جىلاننىڭ اياعىن ىزدەپ كەتتىك. قۇرباقانىڭ قاناتىن ىزدەپ كەتتىك... ايتەۋىر، اقشا دەگەندە دەلەبەمىز قوزىپ كەتەدى، سويتەدى دە، الاياقتار وزىپ كەتەدى! سوعان قاراعاندا، حالىقتىڭ جاعدايى وتە ناشار بولىپ تۇر–اۋ؟ اش قازاق ەشتەڭە ويلامايدى، تەرەڭىنە بويلامايدى، بايلار كەدەيمەن وينامايدى! نەگە الداي بەرەسىڭدەر ا، شارشاااپ كەتتىم!


Мұхтар Шерім
422517

مۇحتار شەرىم جۇماش ۇلى (بۇركەنشىك اتتارى: جەبە ساداق ۇلى،راتقۇم مىرەش، مۇحشەر، مەن عوي... جۇماشتىڭ جۇگەرمەگى.) .رەسپۋبليكاعا تانىمال جازۋشى-سىقاقشى، قازاقستان جازۋشىلار جانە جۋرناليستەر وداعىنىڭ مۇشەسى.شونا سماحان ۇلى اتىنداعى سىن-سىقاق بايقاۋىنىڭ باس جۇلدەگەرى.بۇگىندە رەسپۋبليكالىق "ارا" گازەتىنىڭ ارناۋلى ٴتىلشىسى. "قۇداعي قۇشاقتاي بەرەدى"، ٴتورت تومدىق: "كەشىرىڭىز، ٴسىز ەسەك ەمەسسىز"، "تالتايىپ تۇرعىم كەلەدى"، "ىمباپپا"، بىت-شىتىڭىزدى شىعارامىن!" كىتاپتارىنىڭ اۆ…

ٴومىربايان