BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇحتار شەرىم. بۇگىنگى ساتيرا. حەندە حوح! 

ۋدان اكىمى جەر تاراتۋ ٴبولىمىنىڭ مەڭگەرۋشىسىن كابينەتىنە شاقىرىپ الدى، «ۇيلەرى جوقتاردى جەر كەزەگىنە قويعانىڭ قالاي؟» دەپ ٴبىراز اقىرىپ الدى. ول «ماقۇل، باسەكە!» دەپ كەتىپ قالىپ ەدى، قايتادان شاقىرىپ الدى.
–مەن ساعان نە دەدىم؟–دەپ سۇرادى ول.



اۋدان اكىمى جەر تاراتۋ ٴبولىمىنىڭ مەڭگەرۋشىسىن كابينەتىنە شاقىرىپ الدى، «ۇيلەرى جوقتاردى جەر كەزەگىنە قويعانىڭ قالاي؟» دەپ ٴبىراز اقىرىپ الدى. ول «ماقۇل، باسەكە!» دەپ كەتىپ قالىپ ەدى، قايتادان شاقىرىپ الدى.
–مەن ساعان نە دەدىم؟–دەپ سۇرادى ول.
ٴ–ولىپ قالعان شەتەلدىكتەردىڭ اتىنا جەر كەزەگىن جازىپ، تۋىستارىمىزعا تاراتامىز دەگەنسىز...
–جازدىڭ با؟
–يا. پيكاسسوعا...
–ول كىم ەدى تاعى؟
–اتاقتى سۋرەتشى پابلو ديەگو حوسە فرانسيسكو دە پاۋلا حۋان نەپومۋسەنو ماريا دە لوس رەمەديوس سيپريانو دە لا سانتيسيما ترينيدات مارتير پاتريسيو رۋيس پيكاسسو. 19 عاسىرداعى فرانسيانىڭ ۇلى سۋرەتشىسى.
–نەمەنە پالە، جەر كەزەگىنە وسى ادامداردىڭ ٴبارىن جازدىڭ با؟
–جوعا، مۇنىڭ ٴبارى ٴبىر ادامنىڭ اتى عوي.
–وي، قۇدايىم–اي، ودان دا پويىزباي پيكاسسو دەي سالمايدى ما؟ پويىز سياق¬تى شۇبالتپاي...تاعى كىمنىڭ اتىنا جەر جازدىڭ؟
–موسارتتىڭ.
–جارايسىڭ. ول كىم ەدى؟
ٴ–وزىم دە بىلمەيمىن.
–تاعى؟
–يستاي مەن ماحامبەتكە...
ٴبىر كەزدە حاتشى قىز ەسىككە باسىن قىستىرا سالىپ:
–اعاي، ٴبىر مۇرتتى كىسى كەلىپ تۇر، كىرگىزەيىن بە؟ –دەپ سۇرادى.
–كىم ەكەن؟
–گيتلەرمىن دەيدى. قاسىندا اۆتومات اسىنعان سولداتتارى بار.
–كىرسىن!
ٴبىر كەزدە، شىنىندا، الدەقاشان سۇيەگى قۋراپ كەتكەن، ەكىنشى دۇنيە جۇزىلىك سوعىستىڭ «ارداگەرى» گيتلەر كىرىپ كەلدى دە:
–حەندە حوح! –دەدى ايقايلاپ. اۋدان اكىمى ورنىنان تۇرا بەرىپ، قولىن كوتەردى. ٴبولىم مەڭگەرۋشىسىنە ىم قاقتى.
–وڭباعان، اياعىڭدى ەمەس، قولىڭدى كوتەر!
–شىنىمەن گيتلەر كەلىپ تۇر ما؟ –دەپ سۇرادى مەڭگەرۋشى.
–سەن وتىرىك جازساڭ، بۇلار شىنىمەن كەلە سالادى. گيتلەرگە قانشا سوتىق جەر جازىپ ەدىڭ؟
–ج–جازعان جوقپىن.
–نەمەنە، مەن ادام ەمەسپىن بە؟ كەزىندى جۇنيە ٴجۇزىنىڭ جەرىن جاۋلاپ الا جازداعانمىن! ماعان بەس گەكتار جەر بەرسەڭدەر ولەسىڭدەر مە؟–دەپ اقىردى گيتلەر، –حەندە حوح!
–گۋتەن تاح، گۋتەن تاح، –دەي بەردى اكىم بار بىلەگەن نەمىسشەسىمەن.
–اۋ فەيدەر زەەين... –دەي سالدى ٴبولىم مەڭگەرۋشىسى دە مىڭگىرلەپ.
–جەر كەزەگىنە جازباعاندارىڭ ٴۇشىن ٴبىز سىزدەردى اتىپ كەتەمىز! قابىلداۋ بولمەسىندە موسارت تۇر. سەندەر ولگەن سوڭ، قايعىلى مۋزىكا ورىندايدى! –دەدى گيتلەر. سوسىن سولداتتارىنا ىم قاعىپ ەدى، ولار شىنىمەن اتايىن دەپ تۇر. ەندى... ەندى اتايىن دەي بەرگەندە، 19 عاسىردىڭ يساتاي مەن ماحامبەت باتىرلارى كابينەتكە كىرىپ كەلىپ، ٴبارىنىڭ باستارىن قىلىشپەن شاۋىپ تاستادى. موسارت قاشىپ بارا جاتقاندا عانا، اۋدان اكىمى ۇيقىسىنان شوشىپ وياندى. «و، قاسيەتتى جەر انا، و، قاسيەتتى جەر انا!» –دەپ كۇبىرلەي بەردى، بايعۇس اكىم...

Мұхтар Шерім
671914

مۇحتار شەرىم جۇماش ۇلى (بۇركەنشىك اتتارى: جەبە ساداق ۇلى،راتقۇم مىرەش، مۇحشەر، مەن عوي... جۇماشتىڭ جۇگەرمەگى.) .رەسپۋبليكاعا تانىمال جازۋشى-سىقاقشى، قازاقستان جازۋشىلار جانە جۋرناليستەر وداعىنىڭ مۇشەسى.شونا سماحان ۇلى اتىنداعى سىن-سىقاق بايقاۋىنىڭ باس جۇلدەگەرى.بۇگىندە رەسپۋبليكالىق "ارا" گازەتىنىڭ ارناۋلى ٴتىلشىسى. "قۇداعي قۇشاقتاي بەرەدى"، ٴتورت تومدىق: "كەشىرىڭىز، ٴسىز ەسەك ەمەسسىز"، "تالتايىپ تۇرعىم كەلەدى"، "ىمباپپا"، بىت-شىتىڭىزدى شىعارامىن!" كىتاپتارىنىڭ اۆ…

ٴومىربايان