BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇحتار شەرىم. بۇگىنگى ساتيرا. «گۋليانكا»

«دياس پليۋس ايكونا! تەڭ بولادى ماحاببات!» دەپ حورمەن داۋىستادى دا، ارتىنشا: «ۋرا، ۋرا، ۋرا ماحاببات!» دەگەندە، قۇس بولىپ ۇشىپ كەتە جازدادىم.

مەنىڭ ٴبىر تانىسىم: «باياعىدا ٴبىزدىڭ اتا–بابالارىمىز ۇيلەنۋ الدىنداعى جاستار¬دىڭ «وزىق ٴداستۇرى» «گۋليانكانى» بىلمەگەن دە عوي؟ ولار توعايداعى تومار ۇستىندە وتىرىپ الىپ، كەشكە دەيىن سىرلاسقان، سىبىرلاسقان، سىڭعىرلاس-قان... قازىرگى قىدىرستان ٴقادىر دە، قاسيەت تە قالمادى عوي؟ نە ٴبىر ينوماركالار-مەن تىزبەكتەلىپ، ٴتىپتى، اسپانعا اۆتوماتپەن اتىپ، تىكۇشاق جالداپ جاتادى. ٴبارى ماقتانگەرشىلىك. بايدىڭ بالالارى سويتەدى ەندى.» دەيدى. دەي بەرسىن.
مەن دە ميللياردەردىڭ بالاسىمىن. مەن كىمنەن كەممىن؟ كەرەك دەسەڭىز، قۇدايمەن تەڭمىن! ٴدال تويىم وتەر كۇنى اكەمە ايتىپ، «ماحاببات پارادىن» ۇيىمداستىرعىزدىم. مىنە، ناعىز «گۋليانكا»! قالانىڭ ورتالىق الاڭىندا تانكتەر تىزبەگى ٴوتىپ جاتتى. ٴبىز مىنبەردەمىز، اكەم، مامام، قۇدا–قۇداعيلار قول بۇلعاپ تۇر. ٴبىر كەزدە ساربازدار ساپ تۇزەپ بارا جاتىپ: «دياس پليۋس ايكونا! تەڭ بولادى ماحاببات!» دەپ حورمەن داۋىستادى دا، ارتىنشا: «ۋرا، ۋرا، ۋرا ماحاببات!» دەگەندە، قۇس بولىپ ۇشىپ كەتە جازدادىم. قالىڭدىعىما قاراسام، كۇلىمسىرەپ، باقىتتان باسى اينالىپ تۇر ەكەن، ەرنىنە جابىسىپ، جارتى ساعات ٴسۇيىسىپ تۇردىق. ماماسى كەلىپ: «كۇيەۋبالا، قىزىمنىڭ ەرنى كوگەرىپ كەتەدى عوي!» دەمەگەندە، ٴسۇيىسىپ تۇرا بەرەر مە ەدىك؟
تومەنگە، الاڭعا قارادىق. ستۋدەنتتەر پارادى! «جاساسىن، قازاقستان ماحابباتى! جويىلسىن، ينۆەستور قىزدار ماحابباتى!» «قىزدارىمىز قازاق جىگىتتەرىنە ٴتيسىن! ۋرا، ۋرا، ۋرا!» دەپ بارلىعى داۋىستاپ بارادى. قالىڭدىعىم-دى تاعى دا قۇشاقتاپ، ٴسۇيىپ الايىن دەسەم... ايكونام شەشىنىپ تاستاپتى! قوس الماسىن قولىمەن ۇستاپ، بالقەەەپ تۇر. دەرەۋ كيىندىرىپ، اسپانعا قاراسام، راكەتالار تىزبەگى كورىندى. ولار «دياس پليۋس ايكونا» بولىپ جازىلا قالدى كوك جۇزىندە. قانداي كەرەمەت! ٴبىر قاراسام، ميللياردەر اكەمدى سىيلايتىن مينيسترلەر مەن اكىمدەر قاتارلاسا ساپ تۇزەپ بارادى ەكەن! نە دەگەن قاراپايىم ەدى، ٴبىزدىڭ مينيسترلەر مەن اكىمدەر! جول جيەگىندەگى حالىقتا ەسەپ جوق. ٴبىر كەزدە: «قازاق ۇرىلارىنان، سىبايلاستارىنان جالىندى سالەم!» دەگەن جاڭعى-رىق¬¬قا سەلت ەتە قالدىم، قاراسام، قازاق ۇرى–قارىلارى، سىبايلاستارى ساپ تۇزەپ بارادى! قول بۇلعادىق. ارتىنشا، قازاق قاشقىندارى پارادى شىقتى. ساپتى ٴابليازوۆ، ۆيكتور حراپۋنوۆ، بەرگەيلەر باستاپ: «تويلارىڭ قۇتتى بولسىن، وتانعا دەگەن ماحابباتتارىڭ مىقتى بولسىن! ۋرا، ۋرا، ۋرا!» دەستى. ٴبىر كەزدە جۇرت شۋلاپ كەتتى. الاڭدا جالاڭاش قىزدار پارادى باستالعان ەدى... جارتىلاي جالاڭاي قىزدار «القاشتاراعا قيار كەرەك، بىزدەرگە پيار كەرەك! ۋرا، ۋرا، ۋرا!» دەپ ايقاي سالىستى. كەنەت حالىق ولاردى باس سالدى، الاڭدا قىرعىن توبەلەس باستالدى. ارينە، وسى جەرى ٴسال بۇزىق بولدى، وبشىم، ٴبىزدىڭ «گۋليانكا» كەرەمەت قىزىق بولدى!

Мұхтар Шерім
640767

مۇحتار شەرىم جۇماش ۇلى (بۇركەنشىك اتتارى: جەبە ساداق ۇلى،راتقۇم مىرەش، مۇحشەر، مەن عوي... جۇماشتىڭ جۇگەرمەگى.) .رەسپۋبليكاعا تانىمال جازۋشى-سىقاقشى، قازاقستان جازۋشىلار جانە جۋرناليستەر وداعىنىڭ مۇشەسى.شونا سماحان ۇلى اتىنداعى سىن-سىقاق بايقاۋىنىڭ باس جۇلدەگەرى.بۇگىندە رەسپۋبليكالىق "ارا" گازەتىنىڭ ارناۋلى ٴتىلشىسى. "قۇداعي قۇشاقتاي بەرەدى"، ٴتورت تومدىق: "كەشىرىڭىز، ٴسىز ەسەك ەمەسسىز"، "تالتايىپ تۇرعىم كەلەدى"، "ىمباپپا"، بىت-شىتىڭىزدى شىعارامىن!" كىتاپتارىنىڭ اۆ…

ٴومىربايان