BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇحتار شەرىم. بۇگىنگى ساتيرا. اقىرزامان «وتمەنيت» ەتىلىپتى!

("2019 جىلى اقىرزامان بولادى" دەپ بوسەتىندەرگە ارنالعان.)


("2019 جىلى اقىرزامان بولادى" دەپ بوسەتىندەرگە ارنالعان.)

كورشىمدى كورىپ، كوزىم شىعىپ كەتە جازدادى. ٴۇيىنىڭ جانىنان جەر قازىپ جاتقالى ٴتورتىنشى كۇن، قۇدىقتىڭ ىشىنە ٴتۇسىپ كەتەدى دە، ايەلى اكەلگەن زاتتاردى تاسي باستايدى. قىزىعىپ كەتىپ، جانىنا كەلدىم. ٴبىر ۋاقىتتا سوپاڭ ەتىپ، شىعا كەلدى.
–ەگەۋقۇيرىقسىڭ با؟–دەپ سۇرادىم مەن.
–اقىرزامان بولادى ەكەن...–دەپ مىڭگىرلەدى ول.
مەن تومەنگە ٴتۇستىم. جەر استى ٴۇيى ەكى بولمەلى ەكەن. اعاش تىرەۋلەر قويىپتى.
–جەر استى پاتەرىڭ قۇتتى بولسىن!—دەدىم مەن.
–ايتسىن.
–بىلاي عوي. ايتقان جەردەن اۋلاق، اقىرزامان بولدى دەيىك. سۇڭقيىپ، جەر بەتىنە شىقساڭدار، تىرشىلىك اتاۋلى جوق، سەندەر عاناسىڭدار... نە ىستەيسىڭدەر؟
–وبلىسقا اكىم بولامىن...
–قىزىقسىڭ، توپان سۋ، شايىپ كەتكەن. ەشتەڭە جوق، ەشكىم جوق.
–ىسقىرامىن.
– ۇشا جونەلەتىن شىمشىق تا جوق.
وسى كەزدە ايەلى جارتى قاپشىق ۇن ارقالاپ، استىنان قىزى كوتەرە كومەكتەسىپ كەلەدى ەكەن.
–جەڭەشە، جەر استىندا جاتىپ، نان جاباسىز با؟—دەپ سۇرادىم.
–جوق، كەسپە كوجە ٴپىسىرىپ ىشەمىز.
–قالاي پىسىرمەكشىسىز؟
–گاز پليتا تۇسىردىك قوي.
–كوكە، سىزدەر قايدا قاشاسىزدار؟—دەپ قالدى قىزى ۇرەيلەنىپ.
ٴ–بىز قاشپايمىز. ۇيدە وتىرا بەرەمىز.
–ولەسىزدەر عوي؟
–كوپپەن بىرگە ولگەن ۇلى توي...
ٴ–اي قىز، تاقىلداي بەرمەي، مەنىڭ ناسىبايىمدى تاۋىپ اكەل!
ٴ–قازىر اكە!
مەن ايەلى كوتەرگەن ۇندى كوتەرىستىم. جان-جاعىما قاراسام، جابىلعان بانكىلەر، قاقتالعان ەت، ماكارون، كەرەك دەسەڭىز، كەپكەن بالىقتار دا ٴىلۋلى تۇر!
ٴبىر كەزدە، جەڭەشەمىز وتاعاسىنا بولەك جەرگە توسەك سالا باستادى. قىزى ەكەۋىنە ەسىك جاققا سالىپ، ۇشەۋى دە كيىمشەڭ كورپەنىڭ استىنا سۇڭگىپ، جاتا كەتىستى. سوستيىپ ٴالى تۇرمىن.
ٴ–حىم... كورشى، ا كورشى، اقىرزامان كەلمەي جاتا قالعاندارىڭىز قالاي؟
كورشىمدە ٴۇن جوق. اۋدارىلىپ جاتتى. اياعىمدى ەپپەن باسىپ، جەڭەشەمىزدىڭ جانىنا كەلىپ، كورپەسىن سىپىرعىمەن ٴتۇرتتىم.
–جەڭەشە، سىزدەردى ابىگەرگە تۇسىرگەن سيتچين دەگەن وڭباعان جازۋشى...
–ە؟—دەگەن جەڭەشەم توسەكتەن باسىن ج ۇلىپ الدى.
–1976 جىلى عوي دەيمىن، ويباي، كونە شۋمەر جازبالارىن تاپتىم، جاڭالىق اشتىم، ويباي، مارس پەن يۋپيتەر اراسىندا نيبۋري دەگەن عالامشار پايدا بولىپ، ول جەرگە 2012 جىلى جەلتوقساندا سوعىلادى ەكەن دەپ كىتاپ جازدى عوي؟ەندى 2019 جىلى "اقىرزامان كەلەدى" دەۋشىلەر دە تابىلىپتى!
–اقىرزامان كەلە جاتىر! ۇيىڭە بار دا، بالا-شاعاڭمەن تاۋعا قاش! ايەلىمنىڭ قاسىندا قاراۋىلداپ تۇرسىڭ با نە؟ –دەپ ايقاي سالدى كورشىم.
–وۋ، مىنا «بۋنكەرىڭنىڭ» ەسىگىن جاۋىپ المايسىڭدار ما؟
–ەسىكتى پۋلتپەن جابىلاتىنداي ەتىپ جاساعانمىن، ميىمدى اشىتپاي، كەتشى...
–مەن قاسىڭىزدا قالايىنشى...
–نەگە؟
ٴ–سىز جەمەيتىن اكىم بولىپ كەتسەڭىز، مەن ورىنباسارىڭىز بولىپ...
–نەگە جەمەيتىن اكىم؟...
–ەندى جەر بەتىندە جەيتىن ەشتەڭە قالماعان عوي...
ٴبىر كەزدە ۇيالى تەلەفونىم شىرىلدادى. سويلەسىپ بولدىم دا:
–كورشى، اقىرزامان بولمايدى ەكەن...—دەدىم.
–قا-قالاي؟—دەپ سۇرادى كورشىم.
– «وتمەنيت» ەتىپتى...
–كىم؟ قالاي؟
–بىلمەيمىن، سولاي دەپ جاتىر، ٴجۇرىڭىز، جەر بەتىنە شىعايىقشى، جەر بەتىندە جايراڭداپ جۇرەيىكشى، جەر استىنا ٴتۇسۋ قاشپاس... –دەپ سىرتقا اتىلدىم. قۋانعان بايعۇستار توسەكتەرىنەن اتىپ تۇرىسىپ، جەر ۇستىنە شىعۋعا ۇمتىلدى... قايران، جارىق دۇنيە...

Мұхтар Шерім
641435

مۇحتار شەرىم جۇماش ۇلى (بۇركەنشىك اتتارى: جەبە ساداق ۇلى،راتقۇم مىرەش، مۇحشەر، مەن عوي... جۇماشتىڭ جۇگەرمەگى.) .رەسپۋبليكاعا تانىمال جازۋشى-سىقاقشى، قازاقستان جازۋشىلار جانە جۋرناليستەر وداعىنىڭ مۇشەسى.شونا سماحان ۇلى اتىنداعى سىن-سىقاق بايقاۋىنىڭ باس جۇلدەگەرى.بۇگىندە رەسپۋبليكالىق "ارا" گازەتىنىڭ ارناۋلى ٴتىلشىسى. "قۇداعي قۇشاقتاي بەرەدى"، ٴتورت تومدىق: "كەشىرىڭىز، ٴسىز ەسەك ەمەسسىز"، "تالتايىپ تۇرعىم كەلەدى"، "ىمباپپا"، بىت-شىتىڭىزدى شىعارامىن!" كىتاپتارىنىڭ اۆ…

ٴومىربايان