BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قايسار قايىم

- ارمىسىزدار قىمباتتى تەلەكورەرمەندەر! نازارلارىڭىزدا ورتا تولسىن حابارى. ستۋديامىزعا كەلگەن مەيمانىمىزبەن تانىستىرىپ وتەيىن. الاشتانۋشى ايدىن ىرىسبەك ۇلى. ستۋديامىزعا حوش كەلدىڭىز! ايدىن اعا سوڭعى كەزدەرى كوپ كورىنبەي كەتتىڭىز، ەل كوزىنەن كىشكەنە تاسادا ٴجۇرسىز. قىزمەتىڭىز ەلورداعا اۋىسىپ جاتىر دەپ ەستىپ جاتىرمىز.
- ٴيا، وسىدان ٴۇش جىلداي بۇرىن، قىزمەت بابىمەن ەلورداعا اۋىستىم. ٴقازىر سوندا ٴجۇرىپ جاتىرمىن. ٴبىراق، ول جاققا كەتسەم دە، سەمەيدەن كەتكەن جوقپىن. كەرىسىنشە، «تاۋ الىستاعان سايىن بيىكتەي تۇسەدى» دەگەندەي، تۋعان قالام-سەمەيىم اسقاق كورىنە باستادى. ال، قىزمەتتىڭ اتى قىزمەت، ول اركىمگە دە قاجەت. بۇگىندە، قازاقستاننىڭ «اق جول» دەموكراتيالىق پارتياسى ٴتوراعاسىنىڭ كەڭەسشىسى قىزمەتىن اتقارىپ ٴجۇرمىن. سەمەيىمە تاياۋدا عانا ورالىپ، الاش تاقىرىبىنا ارنالعان «xx عاسىرداعى الاشتىڭ اق جولى» اتتى كىتابىمىزدىڭ تۇساۋكەسەرىن جاساپ كەتتىم.
- ەندى جاڭا كىتاپتارىڭىز جارىق كوردى، وعان بارشامىز دا كۋا بولدىق. مۇندا، قانداي تاقىرىپتار قوزعالعان، ىشىنەن وقىرمان نەنى وقىپ بىلە الادى؟ كەڭىرەك توقتالساڭىز.
- ٴبىز ەندى الاش پارتياسىنىڭ رۋحاني ٴىزباسارى دەپ، الاشتىڭ اتىن اتاپ، الاشتىڭ ارۋاعىن تەربەتكەننەن كەيىن، سول ۇستانىمدى وزىمىزگە ماقسات-مۇرات تۇتىپ كەلە جاتىرمىز. وسى كۇنگە دەيىن تاسادا قالىپ كەلگەن كوپتەگەن الاشتىقتار جايىنداعى تىڭ دەرەكتەردى جارىققا شىعارۋ باعىتىندا «بەلگىسىز وقيعالار مەن جاڭا ەسىمدەر» دەگەن ارنايى نوميناسيا ەنگىزدىك.
- ٴبىز ونى قايدان الا الامىز؟ جانە قانشا تيراجبەن جارىق كوردى؟
- كىتابىمىز 2014 جىلى 2000 تيراجبەن جارىق كوردى. ونى اباي اتىنداعى امبەباپ كىتاپحاناسىنان الا الاسىزدار.
- ايدىن اعا، وسى ٴوزىڭىزدىڭ جۇرەك قالاۋىمەن تاڭداپ العان تاقىرىپ جايلى تاعى دا قانداي جاڭالىقتارىڭىز بار؟
- «اسىل قازىنا» اتتى مۇراعات قۇجاتتارى جيناقتالعان ەكىنشى كىتابىمىز قازىرگى كۇندە باسپاحانادا جاتىر. اللا قالاسا، ونىڭ دا تۇساۋكەسەرىن سەمەيدە، استانادا، الماتىدا وتكىزەتىن بولامىز. ال كۇزگە قاراي، «ٴححى عاسىرداعى الاشتىڭ اق جولى» دەگەن كىتابىمىزدىڭ كەزەكتى سانى دا دايىن بولىپ قالادى. سونداي-اق، ٴبىز 2015-2020 جىلدارعا ارنالعان الاش باعدارلاماسىنىڭ جوباسىن ازىرلەپ شىعاردىق.
- وتە جاقسى. الداعى 2016-2017 جىلداردىڭ ەلىمىز ٴۇشىن ايتۋلى مەرەكەلەرگە تولى جىلدار ەكەنىن ٴوزىڭىز دە جاقسى بىلەسىز. ابايمەن تىنىستاپ، «اباي» دەپ ٴومىر سۇرگەن، ونىڭ شىعارمالارىن زەرتتەۋگە بۇكىل عۇمىرىن سارپ ەتكەن الاش ارىستارىنىڭ سوڭعى تۇياعى سانالاتىن قايىم مۇحامەدحانوۆتىڭ تۋعانىنا 2016 جىلى 100 جىل تولادى ەكەن. جالپى، ٴسىزدىڭ قايىم اعامەن جەكە تانىستىعىڭىز بولدى ما جانە ول كىسىنىڭ كوپكە بەيمالىم قىرلارىن كورە الدىڭىز با؟
- بايقاپ قاراساڭىز، ٴار ولكەدە، ٴار وڭىردە ٴوزىنىڭ ازاماتتىعىمەن، ادالدىعىمەن، تازالىعىمەن، تۋعان حالقىنا، ۇلگى-ونەگە، وسيەت قالدىراتىن دارا دارىندارى بولادى. ٴبىراق، تابيعات ونداي تالانتتى جاندارعا تىم ساراڭ. ول تەك ادام بالاسى ۇساقتاپ كەتپەسىن، جاقسى مەن جامانىن اجىراتا الماي قالماسىن، اسىلىن جوعالتىپ الماسىن، ونىڭ دا ٴبىر ولشەمى بولسىن دەگەندەي، ٴار جەردە قايىم اعامىزداي قاداۋ-قاداۋ تۇلعالار جاراتادى. مىنە، ٴوزىنىڭ سوزىمەن ايتقاندا، الاش ارىستارىنىڭ تىزەسىندە وتىرىپ ەر جەتكەن، ازاماتتىق ۇستانىمىنان تانباعان، قايسار قايىمنىڭ ٴومىرى ٴبىزدىڭ سەمەيدىڭ تاريحىمەن، الاشتىڭ تاريحىمەن بىتە قايناسقان. قايىم اعامىزدىڭ «الاش ارىستارىنىڭ تاعدىرىن كەشسەم ارمانىم جوق» دەگەن ۇران ٴسوزى دە بار عوي... ال، ەندى مەنىڭ بۇل كىسىمەن جەكە تانىستىعىم، 1989 جىلى سەمەيدىڭ پەداگوگيكالىق ينستيتۋتىنىڭ فيلولوگيا فاكۋلتەتىنە وقۋعا تۇسكەن كەزىمنەن باستالادى. ناقتىراق ايتقاندا، قايىم اعادان ٴى كۋرستا ٴدارىس الدىم. سول كەزدە بۇل كىسى قاريا جاسىنداعى ادام ەدى، 74 جاستا بولاتىن. بىلاي سىرت بەينەسى سول جاسىنىڭ ەگدەلىگىنە قاراماستان، جيناقى، ەرەكشە ٴبىر سىمباتتى جانە ٴجۇرىسى دە شيراق، وتە سىپايى، امبە بىركەلكى ٴتۇزۋ ەكەن... ۇستىنە كيگەنى قارا كوستيۋم، جاعاسى كراحمالدانعان اق كويلەككە جاراسىمدى گالستۋك تاعىپ جۇرەتىن سونداي ٴبىر ۇلگىلى جان ەدى... جانە ۇنەمى الاش ارىستارى تۋرالى ايتىپ جۇرەتىن ٴارى ابايدىڭ قارا سوزدەرىن دە ٴجيى قولداناتىندى. الگى، جيىرما ەكىنشى قارا سوزىندە: « جۇيرىك ات –كەيدە ول ەلدە، كەيدە بۇل ەلدە بولاتۇعىن نارسە، قىران قۇس تا، جۇيرىك يت تە-كەيدە ونىڭ قولىنا، كەيدە مۇنىڭ قولىنا تۇسەتۇعىن نارسە. كۇشتى جىگىت تە ۇنەمى ٴبىر ەلدەن شىعا ما. كەيدە انا ەلدەن، كەيدە مىنا ەلدەن شىعادى. ٴبىر وزعان، ٴبىر جىققان ۇنەمى وزىپ، ۇنەمى جىعىپ جۇرمەيدى» دەگەنىن ٴاردايىم جادىڭا تۇت. مەن ساعان ەشقاشان جەڭىلمەيتىن، توزبايتىن ٴبىر يدەيا ايتايىن، ول «الاش» يدەياسى - دەپ سونى تۇسىندىرە باستايتىن. ارينە، مەن ول كەزدە «الاش» دەگەن اتاۋدىڭ ٴوزىن شالا-شارپى ۇقتىم، ساناما ۇيالاعان جوق. سوندا جارىقتىق: «ابايدىڭ جاسىنا كەلگەندە، الاشقا اينىماستاي بولىپ بەت بۇرارسىڭ» - دەگەندى...ەندى مىنە، سول ٴسوزى راسقا اينالدى...
- مۇمكىن، قايىم اعانىڭ وسى سوزىنەن كەيىن، ٴسىزدى ٴبىر ۇلكەن وي مازالاپ، الاشقا ٴبىرجولاتا بەت بۇرعان بولارسىز...بالكىم وسى ٴبىر اۋىز ٴسوز بولاشاعىڭىزدى ايقىنداعان شىعار...؟
- ٴيا، تولىق ايقىندادى دەپ نىق سەنىممەن ايتا الامىن. ماعان وسى ٴبىر اۋىز ٴسوز شىنىندا دا قاتتى اسەر ەتتى...ٴبىراق مەن بۇل جولعا تۇسكەنشە، ٴبىراز سەرگەلدەڭدە ٴجۇردىم... ول كىسىنىڭ اڭگىمەلەرىنىڭ دەنى ارماندا كەتكەن الاش ارىستارى تۋرالى بولۋشى ەدى. «مىنا جەردە ولاردىڭ تابانىنىڭ تابى عانا قالعان جوق، ماڭدايىنىڭ تەرى عانا سىڭگەن جوق، بۇل جەردە ولاردىڭ قانى دا توگىلدى عوي» - دەپ، وڭاشادا كۇرسىنەتىندى. بىلايشا ايتقاندا، قايىم اعامىزدىڭ مۇرالارىن زەرتتەپ-زەردەلەۋ، بارشامىزعا ۇلكەن جاۋاپكەرشىلىك جۇكتەيدى. ويتكەنى، كوپشىلىگىمىزدىڭ ٴومىرىمىز سەمەيمەن جانە الاشپەن تىكەلەي بايلانىستى عوي...ونىڭ ۇستىنە قايىم اعانىڭ كوزىن كوردىك، وسيەت سوزدەرىن ەستىدىك، اقىل – كەڭەسىن تىڭداپ وستىك...
- ەندى ٴبىز ٴبارىمىز، اسىرەسە سەمەيلىكتەر ول كىسىنى جاقسى بىلەمىز. دەگەنمەن دە، ٴسىز ۇيىندە تالاي دامدەس، داستارحانداس بولدىڭىز. كوپشىلىككە اشكەرە بولماعان، مىسالى، ٴقازىر ٴوزىڭىز ەسكە الىپ، ساعىنىپ وتىراتىن ٴبىر ساتتەر بولعان شىعار؟
- قايىم اعانىڭ 1939 جىلدان باستاپ «ابايدىڭ اقىندىق مەكتەبى» ماسەلەسىن زەرتتەپ، «ابايتانۋ» عىلىمىنىڭ نەگىزىن قالاعانى، «ابايدىڭ ادەبيەت مەكتەبى» دەگەن ەڭبەگىن جاريالاعانى، سول جولدا باسىن بايگەگە تىگىپ، ٴومىرىنىڭ دە استان – كەستەڭى شىققانى بارىمىزگە دە بەلگىلى. بالكىم، جاس بولعاندىعىمىزدان شىعار، زاڭسىز سوتتالدىڭىز، كارلاگتاعى ٴومىرىڭىز تۋرالى ايتىڭىزشى دەپ ٴبىر ارەدىكتە سۇرايتىن دا ەدىك... سول كەزدە قاباعىن ٴتۇيىپ، ونى قايتەسىڭ دەپ زەكىپ، تيىپ تاستايتىن. كەيىننەن، 85 جاسقا تولعان مەرەيتويى قارساڭىندا، ياعني 2000 جىلى تەلەديدار ارقىلى كارلاگتاعى كورگەن قياناتتارى تۋرالى اقىرىنداپ ايتا باستادى... ال، «ٴسىزدى نەلىكەن قايسار قايىم» - دەپ اتايدى دەگەنىمىزگە، ونى ٴبىرازدان سوڭ، عالىمداردىڭ سوزدەرىنەن تاۋىپ الاسىڭدار دەيتىن دە قوياتىن.... كارلاگتا قايىم اعامەن بىرگە جازاسىن وتەگەن اتاقتى عالىم لەۆ نيكولايەۆيچ گۋميلەۆ ٴوز ەستەلىكتەرىندە: «مى ۋچيليس مۋجەستۆۋ ۆ كارلاگە ۋ كايۋما»، -دەگەن. وسىعان قاراعاندا، بۇل كىسىگە «قايسار» دەگەن لاقاپ ەسىم كارلاگتىڭ تار قاپاسىندا جاتقاندا تانىلعانعا ۇقسايدى...
- ەندىگى كەزەكتە، قايىم اعانىڭ رۋحانيات الەمىنە ەنۋى جانە ونىڭ ادەبي مۇرالارىنىڭ باس-اياعىن تۇگەندەۋ دەڭگەيى ٴقازىر قانداي جاعدايدا؟ ولەڭدەرى، پوەمالارى بار، پەسالارى، تولعاۋلارى دەگەندەي...
- قايىم اعامىز 1924 جىلى الاش قالاسىنداعى باستاۋىش شارۋا جاستارى مەكتەبىندە ٴبىلىم الادى. العاش حات تانىتقان ۇستازى تۇرلىحان قاسەن ۇلى دەگەن ازامات بولدى، بۇل كىسى قازىرگى ٴبىزدىڭ باتىرىمىز داۋلەت تۇرلىحانوۆتىڭ اتاسى. سول كىسىگە ارناپ شىعارعان ولەڭىم تىرناق الدى تۋىندىم بولاتىن، مەن ولەڭگە دە، ادەبيەتكە دە سولاي ارالاستىم عوي دەپ ايتىپ وتىرۋشى ەدى جارىقتىق... ٴبىزدىڭ كوپتەگەن عۇلامالاردىڭ تاريحقا، ادەبيەتكە كەلۋى، ولەڭنەن باستالعانى ٴمالىم. قايىم اعا دا سول داستۇردەن اتتاپ كەتپەي، ونى جالعاستىرعان كورىنەدى. مىنە، قايىمنىڭ وسى قىرى، اقىندىق قىرى ٴالى زەرتتەلگەن جوق. ال پەسالارى «مايداننان، مايدانعا»، «ەر ٴبىلىساي»، «تولقىن»، «كومميسار عابباسوۆ» دەگەن ٴتورت پەساسى شىقتى. «كومميسار عابباسوۆ» اتتى تاريحي دراماسى 1960-1980 جىلدارى ارالىعىندا سەمەيدىڭ اباي اتىنداعى مۋزىكالىق دراما تەاترىندا ەكى مارتە قويىلدى. مۇنى ٴار ٴتۇرلى رەداكسيامەن ەلىمىزدىڭ ەكى جەتەكشى رەجيسسەرى، قازاقستاننىڭ حالىق ارتيستەرى بايتەن وماروۆ پەن ەسمۇحان وبايەۆ ساحنالادى. ال ەندى بۇل كىسىنىڭ جاڭاعى، پوەماسى دەگەندە «ورىندالعان وسيەت» دەگەن ۇلى حاكىم ابايعا ارنالعان پوەماسى بار. قازىردە قايىم اعانىڭ كەڭ كولەمدى ەكى شىعارماسى بەلگىلى: ٴبىرى- 1938 جىلى جازىلعان «جامبىل» اتتى تولعاۋى، ەكىنشىسى- 1940 جىلى ابايعا ارنالىپ جازىلعان «ورىندالعان وسيەت» دەگەن پوەماسى. ال، اۋدارمالارىنا توقتالساق، ٴازىربايجان دراماتۋرگى ۋ.گادجيبەكوۆتىڭ «ارشين مال الان» (1941)، تاتار جازۋشىسى ش.كامالدىڭ «قاجى اپەندى ۇيلەندى» (1967)، جانە دە قايىم اعا ابايدان كەيىن قازاق ادەبيەتى تاريحىندا شاكارىمدى وزىنە ۇستاز ساناپ، ٴپىر تۇتقان. شاكارىم ا.پۋشكيننىڭ «دۋبروۆسكيي»، «مەتەل» اتتى ەكى شىعارماسىن ولەڭمەن اۋدارىپ شىققان. قايىم دا وسى ۇردىسپەن ن.كارامزيننىڭ «بەدنايا ليزا» تۋىندىسىن ولەڭمەن اۋداردى. دەگەنمەن دە، قايىم اعامىزدىڭ ادەبي مۇرالارى جيناقتالىپ، باس-اياعى بۇتىندەلىپ، ٴالى ٴبىر ارناعا تۇسىرىلگەن جوق. ياعني، جان-جاقتى زەرتتەلمەي كەلەدى، ال ەگەر جازىلسا، تەك ماقالا دەڭگەيىنەن ٴارى اسپاي تۇر.
- قازاق حالقىنىڭ مادەني مۇراسىن قادىرلەۋگە ەلەۋلى ۇلەس قوسقان قايىم مۇحامەدحان ۇلىنىڭ تۇلعاسىن بىزدەر قانشالىقتى دەڭگەيدە دارىپتەي الىپ ٴجۇرمىز. ماسەلەن، قايىمنىڭ بالالارىنىڭ مۇرىندىق بولۋىمەن 2008 جىلى الماتى قالاسىندا «قايىم مۇحامەدحان ۇلىنىڭ اتىنداعى ٴبىلىم جانە مادەنيەت ورتالىعى» اتتى قوعامدىق قورى قۇرىلدى، سەمەيدىڭ مۇحتار اۋەزوۆ اتىنداعى پەداگوگيكالىق كوللەدجىندە ارنايى كابينەت اشىلدى، جوعارعى وقۋ ورىندارىندا قايىمتانۋ ٴپانى بار، ودان كەيىن ٴوزى تۇرعان ۇيگە ەسكەرتكىش تاقتا ٴىلىندى. ەڭ باستىسى، سەمەي قالاسىندا ارنايى ەسكەرتكىش تە ورناتىلدى. ەندى وسى ەسكەرتكىشتىڭ تاريحى مەن مازمۇنىنا ٴبىراز توقتالىپ ٴوتىڭىزشى.
- قازىرگى اباي اتىنداعى وبلىستىق امبەباپ كىتاپحاناسىنىڭ وڭ جاق قاپتالىندا ورىن تەپكەن بۇل ەسكەرتكىشتى ۇلتىنىڭ تاۋەلسىزدىگىن اڭساعان قازاق زيالىلارىنىڭ جيىنتىق بەينەسى دەۋگە ابدەن بولادى. ۇرپاقتارى اتىنان الاش ارىستارىنىڭ سوڭعى تۇياعى سانالاتىن قايىم مۇحامەدحان ۇلىنا ارنالعان مونۋمەنتالدى ستەللا باسىنداعى «ەر قازاق ەجەلدەن، ەركىندىك اڭساعان!» دەگەن امانات ٴسوز حالقىمىزدىڭ عاسىرلار بويعى ارمانىن بىزدەرگە جەتكىزىپ تۇرعانداي... «ابايدىڭ اقىندىق مەكتەبىن» جازىپ قازاق ادەبيەتى تاريحىنىڭ بيىگىنە كوتەرىلگەن، جازىقسىز 25 جىلعا سوتتالىپ، كارلاگ-تىڭ اۋىر ازابى مەن توزاعىنىڭ وتى وڭەشىنەن وتسە دە، قايتپاعان، قايسار كەيپىندە تۋعان قالاسى سەمەيىنىڭ ۇستىنەن قاسقايىپ قاراپ قايىم كەلبەتى تۇر! اقپەن قاباتتاسىپ تومەن سورعالاعان تاتتى تەمىر-قايىمنىڭ ومىرىنە كەنەدەي جابىسىپ، جانىن سورعان، ٴوز ز ۇلىمدىعىنان ٴوزىن تات باسىپ كەتكەن قاتال زاماندى بىلدىرەدى. ستەللانىڭ وڭ قاناتىندا مونۋمەنتتىڭ مازمۇنىن تولىعىمەن اشاتىن قوردايدىڭ قىزىل گرانيتىمەن كومكەرىلگەن پيلوندار ورنالاسقان. ٴبىرىنشى پيلون- حالىق جاۋىنىڭ ايەلى تاقىرىبىنا باعىتتالعان. كورمەگەندى كورسە دە، جارىنان ازباعان، بەزبەگەن، ساتپاعان تۇتقىن ايەلدىڭ ەرلىگىن سيپاتتايدى. بالالارىن قيىنشىلىقتاردان امان-ەسەن الىپ وتكەن انالارىمىزدىڭ ەڭبەگىن اسقاقتاتادى. ول موزايكا تۇرىندە جاسالىپ، ورتاسىنادا ۇلتتىق كيىمدەگى ايەل بەينەسىنىڭ جايراڭداعان جاس شاعى كورسەتىلگەن. ال، شەتتە قارا كوزىلدىرىكتى، قارا بەت تايعاناق بەينەلەر... وپىرىلىپ ورتاعا تۇسكەن شاڭىراق، سول زامانداعى تالاي وتباسىنىڭ قاسىرەتىن كورسەتەدى. قارا قوشقىل بوياۋلار كومپوزيسياعا قايعىلى رەڭك بەرەدى. بۇل بەينەلەردىڭ موزايكا تۇرىندە جاسالۋىندا دا ماعىنا بار. سۇرقيا ساياساتتىڭ كەسىرىنەن بىت-شىت بولىپ شاعىلعان اقيقاتتىڭ سىنىقتارىن بۇگىنگى تاۋەلسىز ۇرپاق بىر-بىرلەپ جيناپ، قۇراستىرىپ قويعانداي...الدىدان كەرىلگەن كارلاگ-تىڭ تەمىر قۇرساۋلارى تۇساۋلانعان ارماندى بىلدىرەدى. موزايكانىڭ وڭ قاپتالىندا سوزبەن سوعىلعان ٴمۇسىن-103 جولدىق «كارى قىران تۋرالى باللادا» قايىم اعانىڭ وبرازىن اشىپ، مونۋمەنتتىڭ ەڭسەسىن كوتەرەدى. ورتالىق پيلوندا التىن ارىپتەرمەن «قايىم مۇحامەدحانوۆ» دەپ تاڭبالانعان. جازۋدىڭ ۇستىنگى جاعىندا قىران مەن قاسقىر بەينەلەنگەن مەدالون ورنالاسقان. قىرىن مەن قاسقىردىڭ شايقاسى كارى قىرىن تۋرالى باللادانىڭ مازمۇنىن اشادى، اق پەن قارانىڭ، اقيقات پەن جالعاننىڭ اراسىنداعى ماڭگىلىك كۇرەستىڭ سيمۆولى رەتىندە ويلاستىرىلعان. وڭ قاناتتاعى پيلوننىڭ نەگىزگى ەلەمەنتى-اشۋلى بارىس ٴوزىنىڭ بار ايباتىمەن، قايسارلىعىمەن ستالين زامانىنا سەس كورسەتىپ تۇر. بۇل-ەل ٴۇشىن زامانعا قارسى شىققان الاش ارىستارىنىڭ بەينەسى. بارىستىڭ قاسىندا قازاقتىڭ بەك بۋىنعان ٴباعىلاندارى-اليحان، احمەت، ٴمىرجاقىپ، جۇسىپبەك، حالەل، مۇحامەدجان جانە جاس مۇحتار بەينەلەنگەن.
- وتە جاقسى! ەندى، وكىنىشكە وراي، ۋاقىتىمىزدا ٴوزىنىڭ مارەسىنە كەلىپ جەتتى. ايدىن ىرىسبەك ۇلى «ۇرانىم الاش، جۇرەگىم الاش» دەپ، وسى الاش ارىستارىنىڭ بەيمالىم جانە ٴمالىم تۇستارىن كەيىنگى ۇرپاققا ناسيحاتتاۋ ماقساتىندا تالماي، شارشاماي ەڭبەك ەتىپ جۇرگەن ساناۋلى قازاق ازاماتتارىنىڭ ٴبىرىسىز. سىزگە ۇلكەن راحمەت، ەڭبەگىڭىز جانا بەرسىن دەپ ايتقىم كەلەدى!
- سىزدەرگە دە شىن جۇرەكتەن ريزاشىلىعىمدى بىلدىرەمىن!
- قىمباتتى كورەرمەندەر، وسىمەن حابارىمىز ٴتامام! ورتا تولسىندا اماندىقپەن جۇزدەسكەنشە، ورتامىز ورتايماسىن!

 


«قازاقستان-سەمەي» تەلەارناسىنداعى «ورتا تولسىن» باعدارلاماسىنىڭ تىكەلەي ەفيرى. جۇرگىزۋشىسى - گاۋھار مۇراتقىزى.
( 2015 جىل 25 ٴساۋىر )
 

Айдын Ырысбекұлы
56466

ايدىن ىرىسبەك ۇلى - قر مادەنيەت جانە سپورت مينيسترلىگىنىڭ ساراپتاما كەڭەسىنىڭ (ەس) گەرالديست-ساراپشىسى، الاشتانۋشى. 1971 جىلى 7 تامىزدا شىعىس قازاقستان وبلىسى، تارباعاتاي اۋدانى (بۇرىنعى سەمەي وبلىسى، اقسۋات اۋدانى)، اقسۋات اۋىلىندا تۋعان.

1986 جىلى قارعىبا اۋىلىنىڭ يۋ.ا. گاگارين اتىنداعى سەگىز جىلدىق مەكتەبىن، 1989 جىلى اقسۋات اۋداندىق №17 كاسىپتىك-تەحنيكالىق ۋچيليششەسىن «كىشى مال دارىگەرى» ماماندىعى بويىنشا…

ٴومىربايان