BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

Айдын Ырысбекұлы

ايدىن ىرىسبەك ۇلى - قر مادەنيەت جانە سپورت مينيسترلىگىنىڭ ساراپتاما كەڭەسىنىڭ (ەس) گەرالديست-ساراپشىسى، الاشتانۋشى. 1971 جىلى 7 تامىزدا شىعىس قازاقستان وبلىسى، تارباعاتاي اۋدانى (بۇرىنعى سەمەي وبلىسى، اقسۋات اۋدانى)، اقسۋات اۋىلىندا تۋعان.

1986 جىلى قارعىبا اۋىلىنىڭ يۋ.ا. گاگارين اتىنداعى سەگىز جىلدىق مەكتەبىن، 1989 جىلى اقسۋات اۋداندىق №17 كاسىپتىك-تەحنيكالىق ۋچيليششەسىن «كىشى مال دارىگەرى» ماماندىعى بويىنشا، 1995 جىلى سەمەيدىڭ شاكارىم اتىنداعى پەداگوگيكالىق ينستيتۋتىنىڭ فيلولوگيا فاكۋلتەتىن «قازاق ٴتىلى مەن ادەبيەتى ٴپانىنىڭ ٴمۇعالىمى» ماماندىعى بويىنشا ٴبىتىردى.

الاش مۇراسىن زەرتتەۋ ىسىمەن 1989 جىلى ستۋدەنت كەزىنەن اينالىسا باستادى. وسى ۋاقىتتا شىعىس قازاقستان وبلىستىق قازىرگى زامان تاريحىن قۇجاتتاندىرۋ ورتالىعى (مەملەكەتتىك ارحيۆ)، اباي اتىنداعى شىعىس قازاقستان وبلىستىق امبەباپ كىتاپحاناسى، ابايدىڭ مەملەكەتتىك مەموريالدىق-قورىق مۋزەيىنىڭ، تاريحي-ولكەتانۋ مۋزەيىنىڭ كىتاپحاناسى جانە قر ورتالىق مەملەكەتتىك ٴارحيۆى، قر ۇلتتىق كىتاپحاناسى، ۇعا ورتالىق عىلىمي كىتاپحانا قورلارىندا جۇمىس ىستەپ، الاش ۇلت-ازاتتىق قوزعالىسى تۋرالى ماتەريالدار جينادى. ٴا. بوكەيحان، م. شوقاي، ا. بايتۇرسىن ۇلى، م. دۋلات ۇلى، ج. ايماۋىت ۇلى سىندى الاش ارىستارى جايىندا تانىمدىق ماقالالار جاريالادى. الاشتانۋ ماسەلەلەرىنە ارنالعان استانادا، الماتىدا، قاراعاندىدا، شىمكەنتتە، كوكشەتاۋدا، پاۆلوداردا، پەتروپاۆلدا، قوستاناي جانە ومبى، قازان، ۋفا، تاۋلى-التاي، بىشكەك سەكىلدى كورشىلەس ەلدەردىڭ باستى قالالارىندا وتكەن 30-دان استام حالىقارالىق عىلىمي-پراكتيكالىق كونفەرەنسيالار مەن فورۋمدارعا قاتىسىپ، باياندامالار جاساعان. سونىمەن قاتار، الاش قايراتكەرلەرىنىڭ ساياسي قىرى مەن اتقارعان قىزمەتتەرىن زەرتتەپ-زەردەلەگەن 300-گە تارتا عىلىمي-پۋبليسيستيكالىق ماقالالارى ٴار جىلدارى مەرزىمدى باسىلىمداردا («ەگەمەن قازاقستان»، «قازاق ادەبيەتى»، «قازاقستان zaman»، «دالا مەن قالا»، «كەمەڭگەر»، «قازاق ٴۇنى»، «جەتىسۋ»، «سەمەي تاڭى»، «ەرتىس ٴوڭىرى»، «جاستار ٴۇنى»، «جۇلدىزدار وتباسى»، «ارنا»، «مەگاپوليس»، «زاڭ»، «يزۆەستيا» جانە ت.ب. ) جارىق كوردى. 1 دەرەكتى فيلم cسەنارييىنىڭ اۆتورى جانە رەجيسسەرى (ٴۇشارالدىڭ باتىرى).

«xxi عاسىرداعى الاشتىڭ اقجولى» (2014)، «xxi عاسىرداعى الاشتىڭ اقجولى» (2015)، «بيوبيبليوگرافيالىق جادىناما» (2017)، «جاس-اي» جىلناماسى (2017) جيناقتارىنىڭ قۇراستىرۋشىسى جانە «ٴمارت ازامات»، «الاشتىڭ قۇنىن قالاي قايتارامىز؟» «جىلان جورىعى»، «تاۋ تۇلعا»، «كۇندەي كۇركىرەگەن ەلمىز!»، «ابايدى بىلمەسەڭ، ادام ەمەسسىڭ!»، «الاش تاعىلىمدارى»، «اكادەميكتىڭ سەمەيگە كەلۋى» كىتاپتارىنىڭ اۆتورى.

ەڭبەك جولىن 1993 جىلى ستۋدەنتتىك كەزدەن باستاعان. سەمەيدەگى جۇمىسشى جاستاردىڭ كەشكى مەكتەبىندە گۋمانيتارلىق پاندەر ٴمۇعالىمى، ديرەكتورىنىڭ ورىنباسارى، «سەمتورگسيستەم» جشس ديرەكتورى، «تۋعان قالام - سەمەيىم» قق پرەزيدەنتى، شقو، سەمەي قالالىق اكىمدىگىنىڭ مادەنيەت جانە تىلدەردى دامىتۋ ٴبولىمى» مم ينسپەكتورى، استانا قالاسىنىڭ «كولىك جانە كوممۋنيكاسيا كوللەدجى» مكقك «كتك times» گازەتىنىڭ رەداكتورى، «گولوگرافيا kazakh-bel» كورپوراسياسى باس ديرەكتورىنىڭ ٴبىرىنشى ورىنباسارى، «اق جول» قدپ ورتالىق اپپاراتىنىڭ يدەولوگيا دەپارتامەنتىنىڭ ديرەكتورى، پارلامەنتتەگى "اق جول" قدپ فراكسياسى ٴتوراعاسىنىڭ كەڭەسشىسى مىندەتتەرىن اتقاردى.