BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

Гауһар Қожахметова

گاۋھار اسقارقىزى قوجاحمەتوۆا 1965 جىلى 5 تامىزدا قىزىلوردا وبلىسى، جالاعاش اۋدانى، «ماقپالكول»( بۇرىنعى «جاڭاتالاپ») اۋىلىندا دۇنيەگە كەلگەن.
1982 جىلى اتالمىش اۋىلداعى №117 ورتا مەكتەپتى ٴبىتىرىپ، سول جىلى قىزىلوردا قالاسىنداعى ن.ۆ.گوگول اتىنداعى پەداگوگيكالىق ينستيتۋتىنىڭ فيلولوگيا فاكۋلتەتىنە وقۋعا ٴتۇسىپ، ونى 1986 جىلى ٴبىتىرىپ شىققان. ونىڭ مەكتەپ قابىرعاسىندا جازعان العاشقى تىرناقالدى جىرلارى مەن ماقالالارى اۋداندىق «جاڭاداريا» گازەتى مەن رەسپۋبليكالىق «قازاقستان پيونەرى»، «بالدىرعان» باسىلىمدارىندا جاريالانىپ تۇردى. گاۋھار قوجاحمەتوۆا ۇزاق جىلدار اعارتۋشىلىق قىزمەتتە بولدى. الايدا، ول شىعارماشىلىقتان ٴبىر ٴسات قول ۇزبەي، قالامىن ۇشتاي ٴتۇسىپ، وبلىستىق «سىر بويى»، «سىر مەكتەبى»، رەسپۋبليكالىق «اق مارجان» تاعى دا باسقا باسىلىمداردا ماڭىزدى ماقالالار، ليريكالىق ولەڭدەر جاريالاپ تۇردى. 10-عا تارتا ولەڭىنە ٴان جازىلعان. 2011 جىلدان بەرى قالالىق «اقمەشىت اپتالىعى» گازەتىنىڭ مەنشىكتى ٴتىلشىسى بولىپ جۇمىس اتقارۋدا. وتباسىلى، 1 ۇل، 2 قىز تاربيەلەپ وتىر.